Child Song| બાળ ગીતો | बाल गीत

એકડો સાવ સળેખડો ને બગડો ડીલે તગડો, બન્ને બથ્થંબથ્થા કરતા મોટો ઝઘડો. તગડો તાળી પાડે ને નાચે તા તા થૈ, ચોગડાની ઢીલી ચડ્ડી સરરર ઊતરી ગઈ. પાંચડો પેંડા ખાતો એની છગડો તાણે ચોટી, સાતડો છાનો માનો એની લઈ ગયો લંગોટી. આઠડાને ધક્કો મારી નવડો કહેતો ખસ, એકડે મીંડે દસ વાગ્યા, ત્યાં આવી સ્કૂલની બસ. Ekdo sav salekdo ne bagdo dile tagdo

એબીસીડી એબીસીડી ઘોડા દોડાવો ઘોડાની ટાંગ તૂટી મલમ લગાવો મલમ ઉપર માખી બેસી ચાદર ઓઢાડો ચાદરનો છેડો ફાટ્યો દરજી બોલાવો દરજીની સોય તૂટી લુહાર બોલાવો લુહારનો વાંસલો ભાંગ્યો સુથાર બોલાવો સુથારનો હાથ તૂટ્યો ડૉક્ટર બોલાવો ડૉક્ટરની પેટી ચોરાઈ પોલીસ બોલાવો પોલીસની ટોપી ઊડી તાળી વગાડો ABCD ABCD GHODA DODAO - Gujarati kids song video

અમે ચાંદો સૂરજ રમતા’તા, રમતાં રમતાં કોડી જડી કોડીનાં મે ચીભડાં લીધાં, ચીભડે મને બી દીધાં બી બધાં મે વાડમાં નાખ્યાં, વાડે મને વેલો આપ્યો વેલો મેં ગાયને નીર્યો, ગાયે મને દૂધ આપ્યું દૂધ મેં મોરને પાયું, મોરે મને પીછું આપ્યું પીંછુ મેં બાદશાહને આપ્યું, બાદશાહે મને ઘોડો આપ્યો ઘોડો મેં બાવળિયે બાંધ્યો, બાવળે મને શૂળ આપી શૂળ મેં ટીંબે ખોસી, ટીંબે મને માટી આપી માટી મેં કુંભારને આપી, કુંભારે મને ઘડો આપ્યો ઘડો મેં કૂવાને આપ્યો, કૂવાએ મને પાણી આપ્યું પાણી મેં છોડને પાયું, છોડે મને ફૂલ આપ્યાં ફુલ મેં પૂજારીને આપ્યા, પૂજારીએ મને પ્રસાદ આપ્યો પ્રસાદ મેં બાને આપ્યો, બાએ મને લાડવો આપ્યો એ લાડવો હું ખાઈ ગ્યો ને હું આવડો મોટો થઈ ગ્યો ame chando suraj ramta ta gujarati child song baal geeto

સાઈકલ મારી ચાલે, એની ઘંટી ટનટન વાગે સરસર સરસર ભાગે, એની ઘંટી ટનટન વાગે સાઈકલ મારી ચાલે, એની ઘંટી ટનટન વાગે ચાર પૈડાવાળી ને ગાદીવાળી સીટ પૂરપાટ ભાગું તો ય નથી લાગતી બીક સાઈકલ મારી ચાલે, એની ઘંટી ટનટન વાગે હું ને ભાઈ મારો આખો દી ફરવાના નદીએ ફરવા જાશું સૌથી છાનામાના સાઈકલ મારી ચાલે, એની ઘંટી ટનટન વાગે સાઈકલ મારી ચાલે, જાણે ઘોડાગાડી સરસર સરસર ભાગે, જાણે એંજિન ગાડી સાઈકલ મારી ચાલે, એની ઘંટી ટનટન વાગે saikal mari chale , eni ghanti tan tan vage gujarati child song baal geeto

મારો છે મોર મારો છે મોર, મોતી ચરંતો મારો છે મોર મારી છે ઢેલ મારી છે ઢેલ, મોતી ચરંતી મારી છે ઢેલ મારો છે મોર મારો છે મોર, રાજાનો માનીતો મારો છે મોર મારી છે ઢેલ મારી છે ઢેલ, રાણીની માનીતી મારી છે ઢેલ બોલે છે મોર બોલે છે મોર, સોનાને ટોડલે બોલે છે મોર બોલે છે ઢેલ બોલે છે ઢેલ, રૂપાને બારણે બોલે છે ઢેલ Maro chhe mor maro chhe mor gujarati child song baal geeto

નાની મારી આંખ, એ જોતી કાંક કાંક એ તે કેવી અજબ જેવી વાત છે નાના મારા કાન, એ સાંભળે મીઠા ગાન એ તે કેવી અજબ જેવી વાત છે નાક મારું નાનું, એ સુંઘે ફૂલ મજાનું એ તે કેવી અજબ જેવી વાત છે નાની મારી જીભ, એ માણે પીપરમીન્ટ એ તે કેવી અજબ જેવી વાત છે નાના મારા હાથ, એ તાળી પાડે સાથ એ તે કેવી અજબ જેવી વાત છે નાના મારા પગ, એ જલદી ભરે ડગ એ તે કેવી અજબ જેવી વાત છે nani mari aankh e joti kank kank gujarati child song baal geeto

એકડે એક પાપડ શેક બગડે બે ચોપડી લે ત્રગડે ત્રણ વેઢા ગણ ચોગડે ચાર બેડો પાર પાંચડે પાંચ કવિતા વાંચ છગડે છ ન શીખે તે ઢ સાતડે સાત સાંભળો વાત આઠડે આઠ લખજો પાઠ નવડે નવ લડશો નવ એકડે મીંડે દશ બસ હવે બસ ekde ek papad shek gujarati child song baal geeto

ચકીબેન ચકીબેન મારી સાથે રમવા આવશો કે નહિ? આવશો કે નહિ? બેસવાને પાટલો, સૂવાને ખાટલો, ઓઢવાને પીંછા આપીશ તને હું આપીશ તને ચકીબેન ચકીબેન મારી સાથે રમવા આવશો કે નહિ? આવશો કે નહિ? પહેરવાને સાડી મોરપીંછાવાળી, ઘમ્મરિયો ઘાઘરો આપીશ તને હું આપીશ તને ચકીબેન ચકીબેન મારી સાથે રમવા આવશો કે નહિ? આવશો કે નહિ? ચક ચક કરજો, ચીં ચીં કરજો, ખાવાને દાણા આપીશ તને હું આપીશ તને ચકીબેન ચકીબેન મારી સાથે રમવા આવશો કે નહિ? આવશો કે નહિ? બા નહિ બોલશે, બાપુ નહિ વઢશે નાનો બાબો તો ઊંઘી ગયો ઊંઘી ગયો નાનો બાબો તો ઊંઘી ગયો ઊંઘી ગયો chaki ben chaki ben mari sathe ramva aavhso ke nahi gujarati child song baal geeto

ચકલી બોલે ચીં ચીં, ટીપું પાણી પી પી કાગડો બોલે કાં કાં, મોટે સાદે ગા ગા કોયલ બોલે કૂ કૂ, હોલો બોલે ઘૂ ઘૂ કુકડા કુકડા કૂકડે કૂક, ગાડી ચાલે છૂક છૂક છૂક બકરી બોલે બેં બેં, આલો પાલો લે લે મીની મીની મ્યાઉં મ્યાઉં, ઓરી આવ દૂધ પાઉં ઉંદર મામા છૂ છૂ, સામે ઊભો હું છું chakli bole chi chi timpu pani pi pi gujarati child song baal geeto

ડોશીમા, ડોશીમા ક્યાં ચાલ્યાં?  છાણાં વીણવાં  છાણાંમાંથી શું જડ્યું?  રૂપિયો  રૂપિયાનું શું લીધું?  ગાંઠિયાં  ખાય જે ગાંઠિયાં, ભાંગે તેના ટાંટિયા  ઊભો રે'જે મારા પિટીયા doshima doshima kya chalya gujarati child song baal geeto

એક બિલાડી જાડી, તેણે પહેરી સાડી સાડી પહેરી ફરવા ગઈ, તળાવમાં તે તરવા ગઈ તળાવમાં તો મગર, બિલ્લીને આવ્યા ચક્કર સાડીનો છેડો છૂટી ગયો, મગરના મોઢામાં આવી ગયો મગર બિલ્લીને ખાઈ ગયો ek biladi jadi tene peri sadi gujarati child song baal geeto

મેં એક બિલાડી પાળી છે તે રંગે બહુ રૂપાળી છે તે હળવે હળવે ચાલે છે ને અંધારામાં ભાળે છે તે દૂધ ખાય દહીં ખાય ઘી તો ચપ ચપ ચાટી જાય તે ઉંદરને ઝટ પટ ઝાલે પણ કૂતરાથી બીતી ચાલે તેના ડીલ પર ડાઘ છે તે મારા ઘરનો વાઘ છે me ek biladi paali chhe te range bahu rupali chhe gujarati child song baal geeto

વારતા રે વારતા, ભાભો ઢોર ચારતા ચપટી બોરા લાવતા, છોકરાંને સમજાવતા એક છોકરો રિસાણો, કોઠી પાછળ સંતાણો કોઠી પડી આડી, છોકરે રાડ પાડી, અરરરર માડી varta re varta bhabho dhor charta gujarati child song baal geeto

આવ રે વરસાદ, ઘેબરીઓ પરસાદ ઊની ઊની રોટલી ને કારેલાનું શાક આવ રે વરસાદ, નેવલે પાણી નઠારી છોકરીને દેડકે તાણી aav re varsad dhebariyo parasad gujarati child song baal geeto

હાથીભાઈ તો જાડા લાગે મોટા પાડા આગળ ઝૂલે લાંબી સૂંઢ પાછળ ઝૂલે ટૂંકી પૂંછ hathi bhai to jada lage mota pada gujarati child song baal geeto

મામાનું ઘર કેટલે દીવો બળે એટલે દીવો મેં તો દીઠો મામો લાગે મીઠો તાળી વગાડે છોકરાં મામા લાવે ટોપરાં ટોપરાં તો ભાવે નહિ મામા ખારેક લાવે નહિ મામી મારી ભોળી મીઠાઈ લાવે મોળી મોળી મીઠાઈ ભાવે નહિ રમકડાં તો લાવે નહિ મામે સામું જોયું મારું મનડું મોહ્યું મામાનું ઘર કેટલે દીવો બળે એટલે mama nu ghar ketle divo bale etle gujarati child song baal geeto

અડકો દડકો દહીં દડુકો શ્રાવણ ગાજે પીલું પાકે ઊલ મૂલ, ધતુરાનું ફૂલ, સાકર શેરડી ખજૂર ખજરે ખજરે આમ છે પીતામ્બર પગલાં પાડે છે મોર પાણી ભરે છે ઢેલ પાણી ઢોળે છે રાજિયો ભોજિયો ટીલડીનો ટચાકીયો Adko dadko dahi daduko gujarati child song baal geeto

પાપા પગલી ધૂળની ઢગલી ઢગલીમાં ઢેલ જીવે મારી બેન પાપા પડિયા થોડુંક રડ્યાં રડતાં રડતાં આંસુડાં ખર્યાં  પાપા પોળી ઘીમાં ઝબોળી ચોળીને ખાજો તાજામાજા થાજો તાજામાજા થાજો તાજામાજા થાજો pa pa pagli dhul ni dhagali gujarati child song baal geeto

હાલાં રે વાલા મારા ભઈલાને, હાં...હાં...હાં...હાં ભઈલો મારો ડાહ્યો, પાટલે બેસી નાહ્યો પાટલો ગયો ખસી, ભઈલો પડ્યો હસી હાલાં રે વાલા મારા ભઈલાને, હાં...હાં...હાં...હાં ભાઈ મારો છે સાગનો સોટો આવતી વહુનો ચોટલો મોટો ભાઈ મારો છે વણઝારો એને શેર સોનું લઈ શણગારો હાલાં રે વાલા મારા ભઈલાને, હાં...હાં...હાં...હાં હાલાં રે વાલા મારી બેનડીને, હાં...હાં...હાં...હાં બેની મારી છે ડાહી, પાટલે બેસીને નાહી પાટલો ગયો ખસી, બેની પડી હસી હાલાં રે વાલા મારી બેનડીને, હાં...હાં...હાં...હાં બેની મારી છે લાડકી લાવો સાકર ઘીની વાડકી ખાશે સાકર ઘી મારી બેની ચાટશે વાડકી મ્યાંઉ મીની હાલાં રે વાલા મારી બેનડીને, હાં...હાં...હાં...હાં bhailo maro dahyo ne patle besi nahyo aato kevi ajab jevi vat chhe Gujarati baal geeto